Presidenti i Republikës Srpska, Milorad Dodik, nënshkroi sonte dekrete për shpalljen e ligjeve që ndalojnë veprimtarinë e Gjykatës dhe Prokurorisë së Bosnjës dhe Hercegovinës, SIPA dhe Këshillit të Lartë Gjyqësor dhe Prokurorial të BeH (HJPC) në atë ent.
Këto akte u miratuan nga Asambleja Kombëtare e Republikës Srpska (NARS) në një seancë të posaçme më 27 shkurt dhe janë në kundërshtim me dispozitat e Kushtetutës së BeH dhe shumë analistë i konsiderojnë ato si një grusht shteti.
Dodik nënshkroi dekretet pasi Klubi i Boshnjakëve në Këshillin e Popujve të RS vendosi të mos kërkojë rishikim të kushtetutshmërisë së këtyre ligjeve nga Gjykata Kushtetuese e këtij entiteti të BeH.
Ato u miratuan menjëherë pasi Gjykata e BiH e dënoi Dodikin me një vit burg dhe gjashtë vjet ndalim për të mbajtur postin e Presidentit të RS.
Pritet që një rishikim i kushtetutshmërisë së këtyre akteve të kërkohet para Gjykatës Kushtetuese të BeH.
Sot në Banja Luka, Dodik nënshkroi edhe dekretet për shpalljen e Ligjit për ndryshime në Kodin Penal të Republikës Srpska dhe Ligjit për Regjistrin e Veçantë dhe Publikimin e Punës së Organizatave Jofitimprurëse.
